هنتغير بجد ( للشباب ) || تم اضافة الحلقة الثانية عشرة || متجدد

السلام عليكم ورحمة الله وبركاته
بعد الحمد لله والصلاة على الحبيب المجتبى
ثم اما بعد؛


حمــــــلة


(هنتغير بجد)


للشباب

&




هدفها من اسمها هنتغير بجد
سياستها تحبيب الشباب فى الاسلام
شعارنا هندخل الجنه سوا
ستتكون الحلقه من حلقات كتيير
وكل حلقة لها اسم
وكل اسم بتدور حوله الحلقه
وكل حلقه عباره عن حوار بين اتنين
+ الاول وهو اللى هيغيرنا بجد
=والتانى وهو الشاب او الفتاه
يعنى انا وانت
ورجاء من كل قارئ
يقول رأيه بصراحة
وانا مش هزعل
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا ....

الحلقة الاولى

( المقدمة)

+السلام عليكم

=وعليكم السلام


+عامل ايه ؟

=تمام



+ومع ربك عامل ايه ؟


=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و...و...و....

+ طب وانت ايه اللى بعدك عن ربنا؟


= اى واحد يقولى لازم علاقتك
مع ربنا تكون 10من10
او0من10


+يعنى ايه ؟

=يعنى معظم الناس متبعه قاعدة
(الحلال الخنيق والحرام الفاجر )
يعنى يآما يمين خالص
يأما شمال خالص
مفيش حد ماشى فى النص
بس منحاز لليمين شويه


+وانت عجبك حالك مع ربنا ؟


=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
وعملت كبائر كتييير و....و..


+تعرف انك كده قانط من رحمة الله

القنوط من رحمة الله اصلا من الكبائر

=طب اعمل ايه؟؟!

+انت مصدق ربنا فى كل كلامه ..


=طبعا من غير تفكير

+ممكن تسمع الايه دى


=اتفضل ..

+قال الله عز وجل
( قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم )


=صدق الله العظيم


+انت مش حاسس ان الايه دى
بتكلمك انت

=حاسس

+ خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار

= انا ما قلتش كده

+ امال ايه؟

=انا قصدى من السهل ان اعمل اى عمل وربنا يمسح كل دنوبى

+انت ماتعرفش مين هو الله


=انا عارف

+ماتعرفش ان ربنا
كريم
ورحيم
وعظيم
ولما يغفر كل ذنوب العالم
مش هينقص من ملكه شئ

= عارف والله

+امال مستنى ايه
طب تخيل معايا المشهد ده

لو قلت
اللى عاوز ربنا يغفرله
يرفع ايده
الناس هتنقسم 3 انواع

النوع الاول
هيرفع ايده من غير ما يفكر

النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى

النوع التالت
بيقول حتى لو ربنا
مسح لى ذنوبى
هعصى ربنا تانى
انا كده كسبت ايه

____________

=قصدك ايه من المثال ده

+قصدى خليك ذكى وثق فى الله
وتأكد انه مش هيرفضك
بس ارفع ايدك بجد
سيب الباقى على ربنا

=والله انت غيرت تفكيرى
خالص
=قولى بقى ازاى ربنا يغفر لى
كل ذنوبى


+ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا تبالى

+ يلا سلام

=قول السلام عليكم احسن

+ انت صح
+ السلام عليكم





=وعليكم السلام ورحمة الله وبركاته


الى اللقاء فى الحلقة التانيه


مع


( هنتغير بجد )

تابعونااااااااا